مشاكل تساقط الشعر وروتين الكيرلى

 

ناس كتير بتشتكي من تساقط شعرها بعد ما بتمشي على روتين الكيرلى واستخدام المنتجات الخالية من السلفات :

 

الشعر عمومًا بيتساقط منه من 100ل 125 شعراية يوميًا و عدد أكبر

للناس اللي شعرها كثيف

عند الناس اللي شعرها ستريت الشعر ده بيتزحلق و يقع أو الناس اللي

بتستخدم فرشاة التسريح الشعر ده بينزل في الفرشاه

أما بالنسبة للكيرلى  فاحنا مختلفين شوية، بما اننا بنستخدم منتجات و

طرق معينة بتخلي شعرنا يحافظ على شكل الكيرلز الطبيعية بتاعته، فالشعر اللي

المفروض يقع ده بيكون محبوس جوة الكيرلاية نفسه لأنها بتكون ملفوفه  فالشعرة مش هتعرف تتزحلق ده غير اننا مابنسرحش

شعرنا و هو ناشف فمفيش فرشاة هيقع فيها الشعر.

ده غير ان في ناس مثلاً بتغسل شعرها كل أسبوع أو أكتر فممكن

نضرب 125 في 7 أيام ممكن نوصل ل 1000 شعراية بتنزل يوم الغسيل ودي حاجة ممكن تخض

جدًا بس هي حاجة طبيعي انها تحصل تاخدي بالك من التساقط مش أكتر.

انتي شعرك مابيتساقطش زيادة عن الأول ولا حاجة

**ناخد بالنا إن في أول الروتين وخلال المرحلة الإنتقالية الشعر ممكن يقع أكتر بسبب تغيير روتينه بس بعد كدة الموضوع ده بيقل جدا ....

 

ال chart 

دا بيوضح شوية الكلام ال قولناه

 والفرق بين تساقط الشعر فى اليوم العادى وفى يوم الغسيل بالنسبة للشعر الكيرلى  

حاجات مهمة لازم اخد بالى منها :-

- ناخد بالنا إن الشعر بيتسرح بس و هو مبلول ميا و بلسم و بمشط واسع و ممنوع  يتسرح و هو ناشف أبدًا. 

 ناخد بالنا إن تراكم المنتجات على الشعر build up - ممكن يعمل تساقط عشان كدا 

-- التدليك أثناء الغسيل بالبلسم أو الشامبو مهم و بعدها وانتو بتغسلوا بالمية تشطفوه كويس

- الكلاريفاينج clarifying ( تنظيف فروة الرأس) مهم جدًا  

-  - البلسم مايتسابش عالفروة في مرحلة التصفيف وانتي بتستخدميه ك ليف إن

- لو حاسة إن عندك

مشكلة طبية تخص التساقط روحي لدكتور خصوصًا لو الشعر بيفضى من مكان معين، و طبعًا

اتأكدي إن معندكيش أنيميا

 - لو بتعملي كل الحاجات دي ولسة مفيش تحسن جربي تغسلي بشامبو بدل البلسم ولاحظي الفرق

لازم نعرف إن دايمًا مفيش نظام واحد هيناسب كل الناس، علشان كدا لازم تجربى بنفسك انا بس بقولك على الخطوات

( مثلا :ممكن حمام كريم حلو جدا معايا ولكن معاكى بيسبب تساقط للشعر بشكل ملحوظ وقتها لازم توقفيه وتجربي حاجة تانية <3 )