في بداية الروتين
والفترة اللي شعرنا بيتحول فيها لطبيعته دي مرحلة انتقالية يعني لسة بنعود الشعر
على منتجات وروتين مختلف فمش محتاج منتجات غالية او كتير لانها مش هتفرق اوي ومش
هتدي بردو نتيجة خيالية الوقت هو اللي هيعمل كدة وممكن تجيبوا منتجات كتير وغالية
والشعر يدي نتيجة وحشة بس بعد المرحلة دي يكون كويس معاها .
هنبدأ بالأساسيات
وحاجات بسيطة زي:
- نوع بلسم وحمام كريم او ممكن نستغني عن حمام الكريم ونضيف زيت للبلسم وممكن عسل كمان ونعمل بيه حمام كريم للشعر .
- مشط بلاستيك بأسنان واسعة دي اهم حاجة لتسليك الشعر في الغسيل.
- نوع زيت واحد يرطب مع حمام الكريم او نوعين لو عايزين نزود معاه زيت حافظ للترطيب.
- تيشيرت قطن لتنشيف الشعر ودي اكيد عندنا كلنا او لو حابين فوطة مايكروفيبر .
- چل بردو علشان يساعد على تثبيت الشعر وممكن نعمل چل الكتان دا طبيعي او نجيب اي نوع متوفر .
- ايشارب ستان او اي حاجة ستان متوفرة نحطها وننام عليها.
- المسامية مش هتفرق اوي في اختيار المنتجات المصري ولا في اول الروتين في كتير مننا مساميات مختلفة ومفس المنتج كويس معانا.
- البروتين هيتغير والشعر بنسبة كبيرة ممكن يكون محتاج بروتين بردو مع الترطيب في الاول الروتين مش معنى انه ناشف انه بروتين زيادة فلم نهتم بحمام الكريم كل اسبوع هيترطب كويس وبعدها هنحدد البروتين عامل ازاي في الشعر.
- بنسبة كبيرة كلنا شعرنا في المرحلة دي مش هنكون راضين عنه اوي ودا عادي فممكن نعمل ضفائر للشعر او نرفعه لفوق او نلبس بندانة صغيرة .
- وممكن بردو نجيب
flexi rods هتدي شكل حلو وهتساعد في تظبيط الكيرلز وكل
ما تكون رفيعة تدي شكل كيرلز اضيق لو اتخن بتدي كيرلز اوسع
Post a Comment
Post a Comment