أزاى اختار الزيت المناسب ؟

النهارده  هنتكلم  عن الزيوت وأزاي اعرف شعري محتاج أيه ؟

 

قبل كدا أتكلمنا على(اختبار  المسامية والبروتين )ومهم جدا اعرف نوع مسامية وبروتين  شعري علشان  لما اعرف نوع شعري كويس هعرف  أستخدم المنتجات الصحيحة وبكدا شعري هيكون المستفيد الاول 

ودا انا هساعدكم فيه 

 

 

زى ما عرفنا المسامية 3 أنواع : فبالتالى اكيد كل نوع مسامية هيكون محتاج نوع زيت خاص بيه

أنواع الزيوت 3 أنواع برضو :

 زيوت خفيفة         

زيوت ثقيلة

 زيوت عطرية

 

الكلام عن الزيوت كتير جدااا وانا هحاول ابسطلكم الدنيا على قد ما اقدر ...

## المسامية المنخفضة :

الشعر هنا بيمتص المنتجات بصعوبة علشان كدا الشعر دا بيحتاج الزيوت الخفيفة علشان بتكون سهل على الشعر امتصاصها والاستفادة منها ,زى اية الزيوت دى :

مهم كمان عملت اختبار الشعر (اختبار البروتين والمسامية ) , كدا أنا هقدر أعرف نوع شعري وأعرف هو محتاج أية :

 

 # المسامية المنخفضة بروتين عالى :  هنستخدم هنا زيت جوجوبا وأرجان وبذر العنب واللوز الحلو

 

# المسامية المنخفضة بروتين متوسط : هنستخدم زيت بذر العنب واللوز الحلو وجوجوبا وزيت الزيتون بيكون كويس جداا

 

# المسامية المنخفضة بروتين منخفض : هنستخدم زيت الجوجوبا والزيتون والسمسم والجرجير لأنهم فيهم بروتين بنسبة كبيرة

 

 

## المسامية العالية :

الشعر دا غالبا بيكون ناشف ومحتاج ترطيب باستمرار وأقل حاجة للنوع دا حمام زيت أسبوعيا ..

 

# المسامية العالية بروتين عالي: هنستخدم زيت جرجير واللوز حلو والخروع والزيتون

 

#المسامية العالية بروتين متوسط : هنستخدم زيت بذر العنب واللوز الحلو والأرجان

 

#المسامية العالية بروتين منخفض : هنستخدم زيت جوز الهند وذرة وخروع واللوز حلو

 

 

## المسامية المتوسطة :

يعتبر للفتيات الأكثر حظا ..حيث أن الشعر دا بيقبل جميع الزيوت ولكن هقولك اشهرها واكثرها أستفادة للنوع دا :

زيت الأرجان والجوجوبا والزيتون والخروع والسمسم